لعيونك نزفت شـعر. وغــلا. وهــبال

حبيـبي ناظــر عيـــوني عسى تلقا جواب اسرع
عسى صورتك في عيوني تقول اللي عجز ينقال


حبيـبي من ورا الغيمه بداء نور القمــر يسطع
ولا منه نظـر وجــهك رجع يبكــي بضيقة بال


سمعته يصـرخ ويبكي يقول ان حسنك الاروع
سمعته يشـتري ودك يبي يشكـي عليك الحـال


وسمعت النجــم من بعده وانا جالـس بعد اسمـع
يقول اشعـار في حسنك يقول اروع حكم وامثال


وشفت الشمس في المشـرق تونّ وماتبي تطلـع
تقــول اش فايـده اظــهر وترجع تختفي بجـبال


وشفت الورد يرقص لك على اغصانه يقول اقطع
يقــول انه على يــدك يبي يشــنق يبي يغــتال


وسمعـت الورق في عشه حزين ومستحي يسجع
ع صــوتك تغــني لي جلــس يبكي على الموال


وجــاك الورق من عشه يبي يسمع بعد مقطــع
وشفـــت الدمــع من عينه نزل مثل المطر ينهال


وحـــتى الغــيم لاشـــافك من عــــيونه بدا يدمـع
على وجهــــك همل دمـــعه وغرق قذلتك والشال


وحــتى اللـــيل لاشافاك على اقــدامك يبي يركع
يقـــول اللــــيل متناثر على كــتوفك مــثل شلال


حبيـــبي مـدلي يــدك نسافـــر في خـــيال اوسـع
تعــال واسبل رموشك على الشاعــر تصير ضلال


حبيــبي داخلي شاعـــــــر ترى عمره ابد ما ابدع
ولكـــن بس لعـــيونك نزف شعـر. وغــلا. وهـــبال